Learn to paint with a palette knife as Bill Alexander creates a beautiful mountain scene.
الخميس، 27 سبتمبر 2012
الاثنين، 24 سبتمبر 2012
قلبى مايشبهنيش
قلبى مايشبهنيش
فعلاً مايشبهنيش
أوقات بيعرفني
ساعات مايعرفنيش
واقوله ياقلبى مالك ؟؟!!
يقولى مفيش
قلبى مايشبهنيش
في الحب و الاحساس
و في اختيار الناس
بيمشي على كيفه
و كتير مابيقوليش
أصدَق كتير مني
و أجرأ كتير مني
و ياما صدقته ياما
و كتير ماصدقنيش
***********
الشاعر عبد الرحمن الأبنودى
التعليقات مغلقة
الأحد، 23 سبتمبر 2012
سلوا قلبى وقولوا لى جوابا
سلوا قلبى وقولوا لى جوابا * لماذا حالنا اضحى هبابا
لقد زاد الفساد وساد فينا * فلم ينفع بوليس او نيابه
وشاع الجهل حتى ان بعضا * من العلماء لم يفتح كتابا
وكنا خير خلق الله صرنا * فى ذيل القايمة وف غاية الخيابا
قفلنا الباب احبطنا الشبابا * فادمن او تطرف او تغابى
ارى احلامنا طارت سرابا * ارى جناتنا اضحت خرابا
وصرنا نعبد الدولار حتى * تقول له انت ماما وانت بابا
وملياراتنا هربت سويسرا * ونشحت م الخواجات الديابه
ونهدى مصر حبا بالاغانى * فتملؤنا اغانينا اغترابا
وسيما الهلس تشبعنا عذابا * وتشبعنا جرائدنا اكتئابا
زمان يطحن الناس الغلابة * ويحيا اللص محترما مهابا
فكن لصا إذن او عش حمارا * وكل مشاً إذن أو كل كبابا
ودس ع الناس اوتنداس حتى * تصير لنعل جزمتهم ترابا
امير الشعر عفوا واعتذارا * لشعرك فيه اجريت انقلابا
وما نيل المطالب بالطيابه * دى مش دنيا يا شوقى بيه دى غابة
الشاعر سيد حجاب
التعليقات مغلقة
السبت، 15 سبتمبر 2012
أضحى الإسلام لنا ديناً ....من يريد أن يسلم؟؟؟
أضحى الإسلام لنا ديناً وجميع الكون لنا وطنا
توحيـدُ الله لنـا نورٌ أعددنا الروح له سكنا
الكون يزول ولا تمحى في الدهر صحائف سؤددنا
بُنيت في الأرض مساجدنا والبيـتُ الأول كعبتنا
هو أولُ بيت نحفظه بحيـاة الروح و يحفظنـا
علمُ الإسـلام على الأيام شـعار المجد لملتنـا
قولوا لسماء الكون لقد طاولنـا النجم برفعتنـا
وآذان المسلم كان له في الغرب صدى من همتنا
يا أرض النور من الحرمين ويا ميـلاد شـريعتنـا
روض الإسلام ودوحته في أرض رواهـا دمنـا
ومحمد كان أمير الركب يقود الفوز لنـصرتنا
إن اسـم محمد الهادي روح الآمال لنـهضتنا
ليعيـد الله قوافلنـا بالمجد ويبـعث أمتنـا
فمضى القرآن يمثـله ليـجدد عهد تحررنـا
وغداً سـترفرف رايتـه لتعيـد سـوابق عزتنـا
فهو الدسـتور لنـا أبدا وعليـه نؤسـس دولتنـا
التعليقات مغلقة
الخميس، 13 سبتمبر 2012
الأربعاء، 12 سبتمبر 2012
منطقى ... قصيدة فى رسول الله عليه السلام للشاعر هشام الجخ
منطقى لما يبقى يتيم و أمى ويبقى سيد العالمين
منطقى الحُسَّاد هتكتر و العدا و الكارهين
و اللى هيبقولك ده شاعر
و اللى هيقولك دا ساحر
و اللى هيقولك دا كافر
واللى يكتب و اللى يرسم
و اللى يكدب و اللى يشتم
منطقى
هى غيره
زى غيرة الوليد بن المغيره
مش كان هيسلم؟!
بس حاجه فى نفسه حَكِّتْ
كبره خلَّى نفسه شَكِّتْ
أصل داء الكبر ده أكبر خطر
بس يعنى الجَنَّه تِعْمَرْ وحدها؟!
حَبَّه فى الجنه و نعيمها
وحَبَّه فى سقر
منطقى
و منطقى لما يبقوا المسلمين حالهم كدا
تطلع ضوافر للعِدا
مادمت مش زارع بإيدك غلتك
و الجوع قرص على معدتك .. فا ذَلِّتَك
مادمت متشتت و تايه فى الكلام
فين الودان اللى هتسمع شكوتك؟!
و منين يجيلك و ش تحمق ولَّا تغضب
ولَّا ترفع كلمتك؟!
هما مش قاصدين يهينوا المصطفى بحبة صور
هما عارفين إن سَيِّدنا النبى سيد البشر
هما قاصدينك و قاصدينِّى و قاصدين كل جيلنا
و طول ما بِنْكَسِّلْ و نتفرَّق و بندارى الحقايق
لسه ياما راح يجيلنا
أما سيدنا النبى ربه كافيه
يستهزقوا مِنِّينا إحنا
أما هو رَبُّه صاينه و مصطفيه
لو كانوا حضروه كانوا عرفوا يرسموه
كانوا هيسموه بعدله و بسماحته و بهدوءه
كانوا شافوا إن الصحابه بتلحق الميه اللى نازله من وضوءه
لو كانوا لحقوه كانوا عرفوا يرسموه
إحنا ما رسمناش نبينا فى العيون
إحنا فهمناهم إن الدين بتاعنا لا فيه علوم ولا فيه عمل
ولا فيه أدب ولا فيه فنون
اتلهينا باحنا كنا و احنا كنا
و نمنا فى اللى راح يكون
بس احنا فوقنا
بجد أسفينلك و راجعينلك
شعبك نشيط عامل و صافى و تقى
زيك يا سيدنا النبى يابو قلب طاهر نقى
أما اللى واكلاهم غيرتهم فا ده منطقى
( الشاعر هشام الجخ )
التعليقات مغلقة
