اختر قالباً

الاثنين، 15 أكتوبر، 2012

ياظالم بكرة جاى لك يوم



فيه ناس بالمال بتستقوى

وتتحكم في خلق الله 

لا تعرف دين ولا تقوى

ولا بترحم عباد الله 

بيعلا صوتها من خوفنا 

ليل ونهار تخوفنا 

وتفرح لما بتشوفنا 

بنصرخ من الالم والآآآه

ده حلم رويته بدموعى

بنيته بدمى وبجوعى

وساكن قلبى وضلوعى
 
ولا يمكن في يوم هانساه

يا ظالم مهما تجرحنى

وغدر الظلم يدبحنى

لا انا عمرى هـ اعيش محنى 

ولا هــ ركع لغير الله

وآآآآه من حرقة المظلوم

ونار قلب اللى عاش محروم

يا ظالم بكرة جاى لك يوم

هنتقابل امام الله

( مصطفى درويش
abuiyad